世盃外亚洲区第5圈次回合激战今晚上演，乌兹别克主场对约旦，不妨追1.62倍入球细。首回合踢成1:1，两队都冇咩办法入波，撞啱乌兹别克又防线不整，就算主场都唔似会同对方斗攻囉!

　　(now671台周二晚10:00直播)

　　乌兹别克首回合只靠队长迪积佩洛夫射入救命波扳平，淨係靠呢个两届亚洲足球先生，好难多波入。而且今仗仲有正选门将尼斯迪洛夫同埋后衞克里美特斯养伤，既然佢哋有作客入球喺手，形势上真係唔需要不顾一切抢攻喎，否则后防有缺口仲同人驳火，到时先失波就肯定头痕。

　　另边厢嘅约旦都冇乜入波本钱，首先曾经喺皇马受训嘅前锋巴华比，最后冇归队唔使预佢，其次喺希腊球会萨丁搵过食嘅射手艾沙菲，首回合只不过后备落场，咁嘅款唔慌会斗攻。

　　亚洲区首回合：乌客和1:1