葡萄牙冇C朗 后防又穿窿

　　巴西同葡萄牙听朝喺美国波士顿上演表演赛，唔止喺赛前带挚当地波衫店销量急增30%，「森巴兵团」亦都肯定会延续强势娱乐观众，由着晒火嘅尼马、祖奥同埋柏图领军，炒起冇咗王牌C朗拿度嘅葡萄牙娱宾，一于力捧巴西让一球嘅2.55倍「让球主胜」啦!

　　(开赛时间：周三早上9:00)

　　呢场「巴葡大战」将会喺美职球队新英伦革命嘅主场「吉列球场」上演，据知喺赛前一星期，门票销量已经突破55,000大关，极有可能打破呢个球场嘅足球赛事入场纪录，附近嘅体育用品店仲话有唔少球迷专程嚟买两国球衣，同埋各种帽饰同打气用品，销量都激增3成!

　　又难怪班粉丝咁热情嘅，巴西近排状态非常唔错，近8场除咗意外输畀瑞士之外，其馀7战全部赢晒，开始步入成熟期嘅尼马喺呢7战中攻入5球，至于终于克服伤患嘅柏图上场亦都有进帐，拍住高效率前锋祖奥，省番2、3粒绝对冇问题。

　　法比奥干查奥缺态

　　葡萄牙王牌C朗拿度有伤在身，佢已经讲明今场唔会落场，如果上仗对北爱尔兰唔係靠佢喺15分钟内大演帽子戏法，葡萄牙分分钟输埋!英国《每日电讯报》早前亦撰文抨击佢哋过分依赖C朗，一旦佢缺阵成队波肯定即刻「谢晒」，唔怪得巴西队长堤亚高施华赛前话：「C朗唔出得，我劲唔开心囉!佢最好场场有得踢，咁成场波都会精彩啲。」咁讲法，摆明睇唔起呢件甩皮甩骨嘅「葡挞」啦!何况踢左闸嘅法比奥干查奥喺皇马坐多过踢，状态麻麻，「葡军」近两战失3球绝非偶然，今场仲要对住近8场有7场至少入2粒嘅巴西，睇怕难逃一劫。

　　Data King：巴西近8战赢足7场

　　‧巴西近8战获7胜，其中5战至少入3球，并有6场开出入球大。

　　‧两军近6次交手，巴西有4战保持不败。

　　‧缺阵嘅C朗拿度喺葡萄牙最近3战中，包办6个入球中嘅5球。