保地花高听朝喺巴甲迎战哥连泰斯，主队恨入波恨到发烧，即使赢紧都係咁丧攻，比起连续两战「食白果」兼有主力缺阵嘅哥连，保地花高嘅状态明显好好多，主队让平半，一于捧1.85倍上盘啦!

　　(开赛时间：周四早上8:50)

　　哥连泰斯双箭未必归队

　　利物浦用「1:0战术」成功喺英超3场全胜登上榜首，场场都入1粒就龟缩，虽然话赢到波就得啫，但有咩差池随时「临尾香」嘛!保地花高就唔同喇，佢哋成班人都对入波鬼咁执着，上仗领先后冇话踢守势波，点不知就畀人一个突击追和，好彩伊利亚斯费豪喺补时阶段建功，最终有惊无险以2:1击退基斯奥马，赛后教练奥利华拉仲激讚班手足添：「呢场波赢得最型嗰个位，係全队都劲想入第2球呀!」除咗费豪，拉菲尔马古斯同侯利亚哥斯达都係数胡能手，凭住呢种斗心，照计可以延续近10次主场不败嘅佳绩嘅!

　　客军哥连泰斯连续两场冇波入，最弊係今仗佢哋除咗有主力前锋柏图同荷西古里路踢完国际赛九成赶唔切归队，就连进攻核心丹尼路亦跌晒Watt，今季踢咗15场联赛居然1球都入唔到，哑晒火咁，今仗就算想稳守突击都无能为力啦!