今轮西甲焦点，当然落喺「标王」加里夫巴利身上啦!皇马今晚作客维拉利尔，「大圣爷」肯定披甲，而且C朗「及时复出」，拍住想争番啖气嘅宾施马，肯定同浮番上西甲后火力全开嘅「黄潜」做入球骚，热捧1.48倍入球大!(now632台周日凌晨4:00直播)

　　皇马经过今轮国际赛后「损失惨重」，除咗原有伤兵沙比阿朗素、基迪拉同华拉尼，就连艾斯高、马些路同法比奥干查奥都加入十字军，认真大镬!好彩，新援加里夫巴利日前归队后极速跟操，何况佢早前已经为威尔斯后备上阵33分钟，状态已经慢慢提升，主帅安察洛堤仲讲明会派佢落场，但正选定后备就到时先算!

　　维拉利尔火力劲过皇马

　　今场波嘅另一位主角，就係喺法国国家队经历咗1,217分钟入球荒，畀Fans嘘爆嘅宾施马!《马卡报》话宾施马体会到人情冷暖，明白球会先至係真正欢迎佢嘅地方，所以今场肯定会搏尽报答球迷喎!仲有呀，葡萄牙上仗对巴西，C朗赛前无啦啦话有伤，不过今晚又突然「伤愈复出」，係真係假都好，有巴利+C朗+宾施马，「舰队」想入少粒都难啦!

　　今季升番上西甲嘅维拉利尔开季3战全胜，虽然话对手都唔係劲旅，但佢哋比皇马仲要入多2粒，绝对唔可以睇小佢哋嘅锋力，除咗巴塞出身嘅前锋杜斯山度士今季「大翻身」，佢位同乡查维亚阿基路亦开埋斋，有呢对墨西哥孖宝压阵，配合法国射手佩比，呢个三叉戟都唔弱o架，今晚就算输都好，都有力队番皇马一、两粒o架!

　　Data King 两军近战例开入球骚

　　连热身赛在内，皇家马德里近8场全胜，其中5场至少攻入3球。

　　皇马近8战开出6次半场入球大。

　　维拉利尔近4场全部开大，近4战亦有3场开出半场入球大。