跟「兵工厂」操完两课就要上阵杀敌嘅奥斯尔，今晚有望担正，率领阿仙奴造访新特兰，呢位德国国脚一向以脚法细腻见称，同班「厂仔」夹到绝，小弟深信佢首演就会有货交，要做低雷声大雨点小嘅「黑猫」话咁易，捧1.58倍客胜啦!

　　(now622台周六晚10:00直播)

　　「大眼仔」本来未必会咁快有正选，但随住路斯基喺世盃外对意大利拉伤大腿，兵工厂张伤兵名单水蛇春咁长，领队云格惟有焗住派佢担正，不过奥斯尔喺皇马担起成条中场线，玩脚法得嚟又够硬淨，根本唔使惊佢融入唔到阿仙奴，仲有翼锋禾确特同中场韦舒亚赛前都话赶及伤愈，计人脚，「厂仔」当然赢晒开季3战得1分嘅新特兰啦，咪忘记「黑猫」今仗仲有守将奥沙停赛，点信得过呀?