「空中大战」4翼斗出波

　　意甲今晚爆发史上第222次「国家打吡」，由国米喺圣西路恭候祖云达斯。「斑马兵团」前锋胡仙历虽然赶及伤愈，但预计会先做后备，新兵洛兰迪好可能担正攻坚，既然要出动「轰炸机」冲锋陷阵，两翼侧击肯定唔会少。撞啱对家国米新帅马沙利又係锺意玩翼衞战术，4隻翼勐咁沉底出波角球相信会多，中位数11.5球嘅2.05倍角球大博得过!

　　(开赛时间：周日凌晨0:00)

　　保罗普巴搏杀争金童奖

　　《米兰体育报》赛前大字标题以「空中大战」嚟形容呢场重量级打吡，比较两队国脚喺过去两轮世盃外嘅「飞行里数」，祖记国脚轻轻飞少国米班球员5公里，但其实都冇乜着数。《都灵体育报》又报道话祖记法国中场保罗普巴入选欧洲金童奖最后5强，要同利物浦嘅菲腊比古天奴、史浩克04中场达斯拿、皇马中坚华拉尼及曼联翼锋韦费特沙夏争奖，今晚保罗普巴梗会落力显身价造势。

　　祖记实力同气势都秤先，就算作客睇怕攻势一样多，虽然胡仙历喺世盃外撞伤左膝先任后备，但有「长人」洛兰迪担正伙拍泰维斯攻坚，配合一对飞翼列治史迪拿、卡华禾艾沙姆喺两边出波火力劲爆，呢支上季意甲「角球王」(场均获得6.39个)今铺角球唔慌少!

　　同祖记一样开季两连胜嘅国米，新季虽然靠单箭头柏拉斯奥攻坚，但查实一对翼衞长友佑都同庄拿芬施些路都孭好重飞，开季两战都沿住边路係咁快放，当中长友佑都仲已经有两球进帐，马沙利嘅阵式攻起上嚟十足十三叉戟，既然双方玩侧击都咁耍家，吼角球大最划算!

　　双方角球统计

　　国际米兰今季场均角球次数10.5个

　　祖云达斯今季场均角球次数11.5个