今日嘅日职头场有好戏上演，清水心跳喺主场对名古屋鲸鱼，1.65倍入球大最抵玩。自从射手大前元纪以外借身份回归，最近心跳嘅锋线就重新挞着，撞啱鲸鱼防守中场丹尼尔施华停赛，中坚田中鬪莉王复操后再伤，焗住斗攻开入球骚好正路。

　　(有线64及203周六下午2:00直播)

　　大前元纪回归有料到

　　开季前转投杜塞尔多夫嘅大前元纪，上季为心跳攻入13个联赛入球属于队中首席射手，可惜佢喺德国上阵机会有限，而且成日喺twitter暗示踢得唔开心，结果心跳嗌佢回归即刻成事，对上2场佢唔止自己有波入，仲带挈旧拍档高木俊幸翻生，新加盟嘅列当锡更生勐，淨係靠佢3个都够开入球大啦!

　　鲸鱼田中鬪莉王复操又伤

　　另一方面，虽然鲸鱼有中锋约舒亚坚尼地为澳洲踢完国际赛归队，可惜丹尼尔施华要停赛，而且田中鬪莉王日前复操又整亲，要知道鲸鱼今季原本已经防线不稳，家阵冇埋两大支柱，唔使旨意保持清白。

　　不过同时间，佢哋最近都有前锋永井谦佑离开标准列治以借用身份归队，既然两队位列中游冇包袱，整场入球骚益吓球迷好过啦!