踢完国际赛之后，今个周末又轮番欧洲各大联赛做主角，已经连续29场联赛不败嘅拜仁，今晚喺主场迎战汉诺威。既然拜仁一向食住对手，仲要有中场舒韦恩史迪加复出，有力大数阵容不整嘅汉诺威，让2球都冇有怕，照追1.73倍「让主」。

　　(有线61、64、201及203、中央5台周六晚9:30直播)

　　汉诺威作客失波多

　　讲往绩，两军近6次喺安联球场对碰，拜仁赢晒之馀，有5次坐底炒对手3球。或者大家担心拜仁分心下周中欧联，但佢哋到下周三凌晨先喺主场出战莫斯科中央陆军，唔使特别留力。中场舒韦恩史迪加喺周二复操，相信今晚可以落场领军，令球队攻势更流畅。新兵马里奥葛斯、堤亚高艾简达拿受伤，反而有利夹惯夹熟嘅拜仁球员发挥，尤其是前线杀手文迪苏杰同洛宾喺上场国际赛休息，今仗肯定全力开火。

　　汉诺威开季取得3胜1负佳绩，但睇真啲佢哋赢嗰3场全部主场出击，一作客就0:3输畀慕逊加柏。咪忘记佢哋上季联赛係作客失球数字最多，今场仲要冇咗射手马美迪奥夫、中场捷云度奴、侯斯迪同后衞彭达帮手，点同拜仁斗?睇怕今晚都要喺个龙门度执多几次波出嚟喇!