枥木SC今日出动一对成144岁嘅「双箭头」，主场迎战札幌冈萨多，真係想赢都难，平手盘博硬1.87倍嘅札幌客胜!

　　(开赛时间：周日下午5:00)

　　枥木家阵排喺日乙第14位，降班威胁唔大，不过就唔上唔落，结果搞到前任监督松田浩要噼炮。本来主帅唔捞冇乜大不了，点知枥木唔知为悭钱定真係搵唔到人，居然由CEO松本育夫亲自接棒，佢老人家已经成71岁人，即刻就创咗个日本联赛史最老监督嘅纪录。至顶瘾嘅係，新任强化部长上野佳昭仲老过佢，今年已经73岁，两位耆英加埋成144岁，畀日本传媒形容係「史上最高龄2 Top」。

　　对赛札幌佔优

　　老人家教波未必唔掂，费格逊咪一样咁醒，但係枥木近况好沉吓，联赛已经两连败，呢个时候需要激情带番起队波，搵两个阿爷出嚟可以畀到队波冲击?你信?我唔信!

　　查实讲往绩，枥木对住札幌已经输咗八成，对方对赛8次，枥木只得1胜2和5负，以往两次响9月份交手，仲全部输晒畀札幌，今日至叻都係望打和，平手冇理由博队无希望嘅球队。