今晚法甲尾场有里昂主场迎战雷恩，曾经连续7届夺联赛冠军嘅主队一早风光不再，近日录得4连败嘅佢哋，就算面对雷恩都未必赢到波，一于捧1.95倍「让客」撑客军可以保住不败。

　　(开赛时间：周一凌晨3:00)

　　哥古夫哑火

　　家阵呢队里昂走紧下坡，係不争嘅事实，但又有边个会谂到佢哋今季开季2连胜之后又会连输4场咁羞家先?最惨嘅係呢4场入面佢哋只係入到1球，同季初两场入7球比起嚟只可以用走晒样嚟形容，冇计啦，里昂今夏放走咗以往嘅入球泉源利辛度卢比斯之后，季初大勇嘅拿卡锡迪同哥古夫又突然哑火，加埋卖走中坚洛夫云之后条防线已经走晒样，今场对住实力唔差嘅雷恩，想全取3分的确有难度。

　　雷恩尼尔逊米基尔有料到

　　上季只係排13嘅雷恩，今季开局颇为理想，佢哋首4轮联赛有3场不败，其中由士砵亭借返嚟嘅葡萄牙前锋尼尔逊米基尔，更係上阵3场就入足3粒，就算放咗另一射手艾丁畀圣伊天都影响唔到球队火力，要同里昂踢成均势甚至赢波，绝对唔难o架。